308, 2017

Geländegames

Mittwuch, 2. August 2017

Nach chli wenig Schlof si mer sanft gweckt worde met Rammstein Musik.

Dass ou secher aui Wach wärde, heimer zum Tagesstart chli Morgesport gmacht.

Es Tanzbattle het aui vo chli bis gross usegforderet ehri Höft z’schwenge:)

Nachemne feine usgibige Zmorge simer fit gseh für nes Gländegame.

Es het drüü Gruppe gää wie am Gländspöu ideilt. Der Kampf und Ehrgiz ume Sieg esch so scho vorprogrammiert gseh. Met Kampfbemolig und Schlachtruef heimer das ganze no chli lo ufheize!

Zäme us Gruppe met chli Kampfgeist, Usdur, Gschecklechkeit und Köpfchen het schlussändlech d’Gruppe Colombo gwunne.( Obwouh mer us Gambino und Bonanno Fans das ned chöi verchrafte J)

Zum z’Mittag hets feine Hamburger gä met äxtra Sauce vom Fladiii Mhmmm

Am Nomi hei de d’Leiter frei gha und si chli go Bädele. Ungerdesse hei mer Mädels met de Kidis e gmüetleche und ruhige Wellnessnomi verbrocht.

Ufem Programm esch Verwöhnig pur gstange. Vo Traumreise, Sauna, Gsichtsmaske bis zum Beautysalon und Massiere hets ah nütem gfäuht.

Und scho hets weder z’Nacht gä. Nach Carbonara Penne si de ou aui rechtig vou gässe gseh

Die Brune Cheschtene hei s’Obeprogramm gstautet. Met emne lustige und herusfordernde Quizobe hei si nomou d’Gländspöugruppe gäge nang lo adräte. Und wie sechs ghört het zu guter letzt au Bonanno no einisch gwunne

Zum Schluss hets no paar News vom TV Hasli gä und es Stöckli Chueche zum Dessert.

Churz vor der Nachtruhei heis de ou no die letschte Cheng gschafft ehres Zemmer em Dävu sim kontroublick entsprächend gnue guet ufzrumeJ

22:00 Aui göi Müed is Bettli. Und der wösset, wär ned pfuset muess 8kg Bohne röschte ;))) Tschüüss